1.Хамар судлалын кабинет
2021 онд хамар судлалын кабинет үүсгэн байгуулагдсан.
Хүний нөөц:
1.Я.Саруулзул : 2013 оноос арьс хатгах харшлын шинжилгээг нэвтрүүлсэн. 2021 онд Эмнэл зүйн харшил, дархлаа судлалаар мэргэшил дээшлүүлсэн.
2.Т.Марал : 2023 онд SNUBH хамар судлалаар мэргэшил дээшлүүлсэн
3.Ө.Түмэнбаяр : 2022 оноос ажиллаж байна.
Ажлын цаг : 08:00-20:00 цагийн хооронд үзлэг, 9-17 цаг хүртэл оношилгоо хийгдэнэ. Үйлчлүүлэгч ирэхээс өмнө цаг авна.
“ЭМЖЖ-ЧХХ” эмнэлгийн хамар судлалын кабинет нь дараах тусламж үйлчилгээг олон улсын стандартын түвшинд үзүүлж байна.
Оношилгоо:
-Хамрын үзлэг, дурангийн оношилгоо
-Хамрын уян дурангийн оношилгоо
-Хамраас эдийн шинжилгээ авах
Хийгдэх шинжилгээ:
+ Хамар битүүрэл үнэлэх сорил /Риноманометр/
- Риноманометр нь хамрын амьсгалын үйл ажиллагааг бодитойгоор үнэлэх зорилготой оношилгооны хэрэгсэл юм.Энэхүү төхөөрөмж нь амьсгалах үед агаарын даралт болон агаарын урсгалын хурдыг хэмжиж хамрын агаарын эсэргүүцлийг тооцоолдог.
- Хамар битүүрэл үнэлэх /Риноманометр/ сорилыг хийлгэхэд анхаарах зүйлс:
-Шинжилгээ хийлгэхийн өмнө тамхи татахгүй байх.
-Кофе,архи согтууруулах ундаа хэрэглээгүй байх.
-Хамрын цацлага хэрэглэхгүй байх шаардлагатай.
- Хамар битүүрэх зовуурь бүхий хүмүүст хамар битүүрлийн зэрэг,агаарын эсэргүүцлийг үнэлэх.Эмийн эмчилгээний өмнөх болон дараах хяналт. Хамрын мэс заслын өмнөх болон дараах хяналтыг хийх зорилгоор хийж байна.
+ Үнэрлэхүйн сорил /Sniffin Stick test/
- Үнэрлэхүйн сорил нь үнэрийг илрүүлэх, ялгах, таних чадварыг үнэлдэг хагас-объектив шинжилгээ юм.
- Үнэрлэхүйн /Sniffin Stick test/ сорилыг хийлгэхэд анхаарах зүйлс:
-Шинжилгээний өмнө 15 минутын өмнө тамхи татахгүй байх.
-Хоол хүнсний зүйл идээгүй байх шаардлагатай.
- Үнэрлэхүйн үйл ажиллагааны алдагдалтай хүмүүст үнэрлэх үйл ажиллагааг үнэлэх, эмийн эмчилгээний дараах хяналт. Хамрын мэс заслын өмнөх болон дараах хяналтыг хийх.
Харшлын кабинетын үйл ажиллагаа
“ЭМЖЖ-ЧХХ” эмнэлгийн харшлын кабинет нь дараах тусламж үйлчилгээг олон улсын стандартын дагуу үзүүлж байна.
- Харшлын эмчийн үзлэг, оношилгоо
Хийгдэх шинжилгээ:
- Харшлын арьс хатгах сорил:
- Амьсгалын замын дэлгэрэнгүй сорил- төрөл бүрийн ургамал, мал амьтан, хөгцний мөөг, шавьж, тоос, тоосны хачгийн оношлуураар арьсны сорил хийдэг.
- Амьсгалын замын багц сорил- ургамал, мал амьтан, хөгцний мөөг, шавьж,тоос,тоосны хачгийн холимог багцын оношлуураар арьсны сорил хийдэг.
- Хүнсний бүтээгдэхүүний сорил- төрөл бүрийн жимс, ногоо, самар, загасны оношлуураар арьсны сорил хийдэг.
- Хамрын шүүрэлд эозинофиль тоолох шинжилгээ
Харшлын кабинетын хамт олон:
Чих хамар хоолой, Харшлын эмч - Я.Саруулзул
Харшлын сувилагч - Оюунтамир
Үйлчлүүлэгчийн анхааралд
- Харшлын арьс хатгах сорилыг 7 наснаас эхэлж тавьж байна.
- Харшлын арьс хатгах сорилыг тавиулах өмнө гистамины 1-р бүлгийн эмийг 24-48 цагийн өмнө, гистамины 2-р бүлгийн эмийг 48-72 цаг,сэтгэл гутралын эсрэг, ходоодны хүчил багасгах эмийг 48-72 цагийн өмнө уугаагүй байх шаардлагатай
- Доорхи эмүүдийг сүүлийн 24 цагт уугаагүй байх шаардлагатай:
- • Хлорфенамин (Хлорфенирамин малеат)
- • Димедрол (Дифенгидрамин, Бенадрил, Аллерган)
- • Тавегил (Клемастин, Фенистил)
- • Супрастин (Хлорпирамен)
- • Диазолин (Мебгидролин)
- • Пипольфен (Дипразин, Прометазин)
- • Кетотифен (Задитен, Астафен, Пропилас)
- Доорхи эмүүдийг сүүлийн 48-72 цагт уугаагүй байх шаардлагатай:
- • Zyrtec (Сетиризин 2HCl)
- • Claritin (Лоратадин, Кларотадин, Кларидол г/м)
- • Fexofenadine (Аллегра)
- Мэдээ мэдээлэл
- Арьс хатгах сорилыг гарын шууны дотор талын арьсан дээр Lofarma (Итали ) фирмийн 40 төрлийн аллергиныг ашиглан эерэг (Гистамин) болон сөрөг (Nacl) хяналттай тавьж, аллергины уусмалыг жижиг дуслаар дусааж, дуслын төвд жижиг зориулалтын ланцепт ашиглан хатгаж 15 минутын дараа хэмжилт хийж үнэлдэг
Ховор тохиолдолд:
- Анафилаксийн шок
- Бага зэрэг халуурах
- Толгой маналцах эсвэл толгой эргэх
- Хоолой сөөх, амьсгал давчдах
- Арьс их өргөн хүрээтэй туурах
- Нүд, уруул, ам хавдах
- Залгих болон ярихад төвөгтэй болох сөрөг шинж тэмдгүүд илэрвэл эмч сувилагчид мэдэгдэх.
Сорилын явцад үүссэн улайлт, бэлцрүү нь 30 минутаас 1 цагийн дараа аяндаа арилна. Зарим хүмүүст (цөөн тохиолдолд) сорилын хариу хуурамч эерэг болон хуурамч сөрөг хариу илэрч болно. Сорилыг хэд хэд давтан хийлгэж болох бөгөөд арьс хатгах сорил нь хортой болон сөрөг муу нөлөөгүй. Ойролцоогоор сорил хийлгэсэн 500 хүнээс 1-д нь сорил тавьсан хэсэгт 1-24 цагийн дараа бага зэрэг хавдаж улайж болно. Үүнийг хожуу урвал гэдэг бөгөөд айх сандрах хэрэггүй. Энэ нь 1-2 хоногийн дараа аяндаа арилна. Арилахгүй байвал эмчид хандах хэрэгтэй.
Нэвтрүүлж буй шинэ технологи:
1.Акустик ринометр
2.Амтлахуйн сорил