Тэнцвэрийн лаборатори байгуулагдсан он
ЭМЖЖ эмнэлгийн тэнцвэрийн лаборатори 2016 онд байгуулагдсан. Одоог хүртэл Монгол улсын хэмжээнд дотор чихний гаралтай тэнцвэрийн эмгэгийн оношилгоо, эмчилгээг хийн, үйлчлүүлэгчдийг хянан, төрөлжсөн нарийн мэргэжлийн видеонистагмографи, калорик тест, HIT, oVEMP, cVEMP зэрэг шинжилгээнүүдийг хийж байна
Хүний нөөц-Тэнцвэрийн 3 эмчтэй
Э.Дэлгэрзаяа
Чих хамар хоолойн ахлах зэргийн эмч, Сонсгол тэнцвэрийн эмч,
НЭМУ-ны магистр, АУ-ны докторант
М.Байгал
Чих хамар хоолойн ахлах зэргийн эмч, Сонсгол тэнцвэрийн эмч,
АУ-ы магист
Ч.Сайнбилэг
Чих хамар хоолойн эмч, Тэнцвэрийн эмч,
АУ-магистрант
Тэнцвэрийн лаборатори нь дотор чихний гаралтай тэнцвэрийн эмгэгүүдийг ялган оношлон, эмчлэх зорилготой
Дотор чихний тэнцвэрийн хүлээн авуур хүний биеийн байрлал, эргэлдэх болон шулуун хөдөлгөөнийг мэдэрч мэдээллийг тархинд дамжуулдаг.
Дотор чихний тэнцвэрийн эмгэгүүд толгой эргэх, тэнцвэр алдагдах, дотор муухайрах, чих шуугих, сонсгол буурах, зүрх дэлсэн, даралт ихсэх, хөлрөх, гэдэс гүрвэлзэх гэх мэт эмнэлзүйн зовиурууд хавсран илэрч орон зайн баримжаа, тэнцвэр алдагдлыг үүсгэдэг.
Дотор чихний дээрх үйл ажиллагаа чихний бусад өвчин, тархины гэмтэл, доргилт, нян вирусийн гаралтай үрэвсэлт өвчин, эм, цусан хангамж, чихний мэдрэлийн хавдар болон бусад шалтгаануудаас үүсэж болно.
Тэнцвэрийн лаборатори нь видеонистагмографи, калорик тест, Head impulse test, oVEMP test, cVEMP test хийдэг.
Дотор чих гэж юу вэ?
Дотор чих нь бүтцийн хувьд дун, үүдэвч, гурван тал цагариг гэсэн үндсэн 3 хэсгээс бүтдэг.
Дун: Дөрөө ясны хөдөлгөөнөөс үүссэн чичиргээнийг хүлээн авч электрон импульс болгон сонсголын мэдрэлээр дамжуулан тархинд илгээдэг.
Үүдэвч: Хэвтээ болон босоо хүүдийг агуулах дотор чихний үүдэвч хэсэгт тэнцвэрийн мэдрэхүйн захын хүлээн авуурууд байрлана.
Гурван тал цагариг: Өвөрмөц шингэнээр дүүрэн гурван тал цагариг нь тэнцвэрийн захын хүлээн авуур байрлах бөгөөд толгойн байршлыг мэдэрч тэнцвэрийн үйл ажиллагаанд оролцдог.
